Khliehriat, Risaw 05: Ki pulitjong ka East Jaintia Hills District ki la lah bankem ia ki ar ngut ki briew kiba la tip kyrteng kum u Md. Neshan Uddin bad Md. Jahir Hussain na ka daw ba kila byrngrem ban rah bor ia u Md. Ali Ahmed.
U Md. Ali Ahmed u la ai ia kane ka jingujor sha ki pulit jong ka Khliehriat Police Station ha u bnai ba la dep. La ong ba kine ki briew kiba byrngem ki la phone na u number 7399997825, yn tang kata ki la dawa ruh ba u dei ban siew ia ki T. 6 lak tyngka.
Kine ki ba la byrngem ia u ym tang ba ki dawa pisa hynrei ki la byrthen ba kin rah bor ia u bad ia u para jong u lada um siew ia katei ka pisa. Na ka liang jong ki pulit ki la tohkit ia kane ka jingjia bad ki la lap ba ki don ar ngut ki briew kiba la leh ia kane ka kam bad ki la kem ia ki bad kita ki long u Md. Neshan Uddin 22, bad Md. Jahir Hussain 23 snem.(SP News)
