Tura, Nailur 12: Ka jingapkhang shnong kaba khlem buh por ia kaba la khot da ka Garo Hills State Movement Committee ha baroh ka rilum Garo ka la sdang mynta ka sngi. Ha kane ka sngi sdang yn shym la don kano kano jingjia kaba sngewsih.
U Deputy Commissioner jong ka West Garo Hills u Parvin Bakshi haba kren ha u SP News Agency, u la ong ba baroh 13 ngut kiba shah kem ki don ha ka kti jong ka iing bishar ain ka ain kan leh ia kaba don kam. Ka jingong ban pynlait ia ki kan nym mih.
Na ka liang jong u DC u la krem skhem ba “ Ai kimat khot ia ka pakhang shong 100 sngi ruh kam lei lei, hynrei ban pynlait suk ia ki kan nym jia da lei lei, mynta ki don ha ka kti jong ka ain, ai ka ain kan leh ia kaba don kam”.
Na ka liang jong u DC u la ong ba kane ka pakhang shnong kaba la long mynta ka sngi kam shym la trei kam ha ki jaka ba long madan jong ka Garo Hills, lait tang ha Phulbari ha kaba 50% ei ei ki dukan ki khang.
Ha Tura u la ong ba ki la don ki seng kiba la bthah ia ki dukan ba kin plie namar ban ailad ia ki paidbah ban thied ia ki jingdon kam ha ki iing ki shem.(SP News)
