Shillong, Naiwieng 29: U Speaker jong ka Meghalaya Legislative Assembly u AT Mondal, u ba dei ruh u chairaman jong ka Meghalaya Legisltive Forum kaba dei kyrpang ka HIV bad AIDS u la ong ba ki MLA kind ang iai bteng ban ai mar shilak sha kane ka forum ban noh syniang sha ka Meghalaya Aids Control Society.
Haba kren ha u SP News Agency na ka liang jong u Speaker u la ong ba haduh mynta ka MACS ka la ioh ia ka pisa tang na ki 8 ngut ki MLA kane ka long katkum ka jingthoh kaba ki la phah.
Na ka liang jong ka u mynta da lade u la pan jingtip na ki Deputy Commisioner jong ka District baroh ba kin peit ba haei ka pisa ka sah kut namar ia kane ka pisa la bei na ka shim SRWP ba kin peit ba kan nym sah kut kane ka pisa.
Ka jingnoh syniang jong ki MLA ia kane ka pisa ka long ban ai sha ka MACS ba kan pynlong ia ki jingai jinghikai kumno ban iada na ka jingpang AIDS. Kane ka jingpang ka long kaba ma bad dei ban ialeh kumno ban khanglad ba kan nym saphriang.
Na ka liang jong u Speaker u la ong bay n sa ia kren bad ka sorkar na ka bynta kane ba ia ka pisa dei ban khate noh na ka tand ba pynlait ia kane ka pisa ym ban phah sha ki Deputy Commissioner na ka bynta ban suk kane ka jingpynpoi ia kane ka pisa sha ka MACS.(SP News)
