Shillong, Jymmang 2: ka iing bishar ba don burom jong ka Meghalaya High Court mynta ka sngi ka la ai ia ka rai ba ki nong bangladesh kiba la wan shong sha North East ha shuwa ka 24 tarik jong u bnai Jymmang 1971 ia ki dei ban niew ba ki dei ki nong India bad dei ban shah ia ki ba kin ioh thep vote.
Kane ka rai jong ka Meghalaya High Court ka long halor ka jingujor jong ki 40 ki phetwir kiba na Bangladesh kiba la shah kyntait ban pynrung kyrteng ha ka Electoral roll da ki bor jong ki District Adminstration.
Kine ki 40 ngut ki phetwir ki dei kiba na ka shnong Amjong kiba shong ba sah ha khappud jong ka jylla Meghalaya bad ka jylla Assam kaba don ha Ri Bhoi District bad ia ki certificate jinglong trai shnong jong ki la knieh da ka Deputy Commissioner jong ka Ri Bhoi District.
U Justice S R Sen, ha ka hukum jong u kaba u la ai ha ka 15 tarik mynta u bnai u la bthah ia ka Deputy Commissioner Pooja Pandey ba ka dei ban pynphai noh ia ki certificates sha kine kiba la leit ban ujor bad dei ban pynrung ia ki kum ki ha ka electoral roll.
U Justice Sen u la ong ba ka don ka jingiasngewthuh jingmud hapdeng kine ki ar tylli ki ri ia noh dei ban pynsah bad ia no dei ban pynphai kylla sha Bangladesh.
La sngewthuh ba ki kmie ki kpa jong kitei ki briew kiba ai ia kane ka jingujor kila rung sha India shuwa ka 24 tarik jongu bnai Jymmang 1971 kumta ka jingong ban phah biang ia ki sha Bangladesh kan nym mih shuh bad kila long ki nongshong shnong jong ka Amjong. Ha ka juh ka por la ong ba ki dei ban ai ka jingiarap ia kine ki briew.(SP News)
