Tura, Risaw 27: Ki nonghikai skul kiba la dep ban pass ia ka examin State Eligibility Test (SET) jong ka Dadenggre Unit ki la shim ia ka rai ba kin leit ban ai da ka mukotduma pyrshah ia ka sorkar namar ba kam shym la leh ei ei ha kaba ia dei bad ka jingthung kam ia ki hynrei la shu ai daw da kumne kumtai.
U Treepon Sangma, secretary jong ka seng ADSETPCAT u la ong ba ka iing bisahr ba don burom ka la dep shem ba ka don ka jingdkoh ha kane ka jingthung ia ki nonghikai bad ka sorkar ka la thung ia ka HSLC ban wad bniah kumno ka lah ban long ba hap ban wad bniah biang ia kaei kaba ka sorkar ka la thung hi.
Kaei kaba ka sorkar ka hap ban leh mynta ka long ban leh ia kaba don kam katkum ka kaiphot ban pynshitom ia kiba don kti, ki nonghikai ki pan ia kaei kaba ki dei ban ioh ia ka hok ka jong ki, kam shym don da kumwei pat.
Na ka liang jong ki nonghikai katei ka unit ki la pynkhreh mynta ban leit noh sha iing bisahr ban wad ia ka hok ka jong ki. Na ka liang jong ka seng ka la dep ban ai da ka jingthoh ruh sha u Director Education. Ka sorkar ka tip ba ka pynslem ia kane ka kam ban lait ki myntri la jong la kynnoh.SP News)
