Tura , Rymphang 07: ka jingialang jong ka seng NPP kaba la long ha Rongjeng kala long kaba heh haduh katta katta ha kaba ki paidbah kila ia risa da kaba ong ba kin sa ai ka jubab ia u Dr Mukul Sangma ha kane ka MP election kaban sa wan namar ki kam ba u la synshar bakla ia ka jylla.
Ha ka jingkren jong u PA Sangma national president jong ka seng NPP u la ong ba ka por ka la dei ba ka seng Congress ka dei ban ioh ia ka jingshah sympat na ki paidbah ia ka jingsynsahr bakla jong ka ia kane ka Ri.
La iathuh ba bun na ki nongialam na Garo Hills ha kine ki sngi kila pyniasoh ia lade bad ka seng NPP, ka jingpyniasoh jong ki paidbah bad ki nongialam sha ka seng NPP ki don ka jingshaniah ha u PA Sangma ba dei tang ma u ba lah ban wan rah biang ia ka jingshong suk ha Garo Hills.
Na ka liang jong ki nongialam jong ka NPP kiba la ia la don lang ha kane ka sngi ki long u Working President jong ka party u Conrad K Sangma, U Thamas Sangma bad kiwei kiwei ki nongialam jong ka seng.
Ha kane ka sngi ki paidbah kila pdiang sngew bah ia u PA Sangma bad ia ki nongialam bad ki la ai ka jingkular ba kin ai ka jingkyrshan ia kane ka seng kaba u ialam ha kane ka election MP ka ban sa wan.(SP News)
