Shillong,Nohprah 08: Ka seng BJP ha kane ka jylla ka la phah ia ka khubor ai khublei sha baroh ki nongtrei jong ka seng ha ki saw tylli ki jylla kiba la niew ia ka vote mynta ka sngi, ka jingkhublei ka long kyrpang eh ia ki State unit President of Rajasthan, Delhi, Chhattisgarh bad Madhya Pradesh na ka bynta ka jingtrei shitom ka jong ki ban wanrah ia ka jingjop ia ka party.
Na ka liang jong ka BJP ka la ong ba ka jong jingjop jong ka seng Congress ha kine ki saw tylli ki jylla ka kren shai kdar ba ki paidbah jong kane ka ri India kin sa kyntait ia ka seng Congress ha ka Loh Sabha Election kaban long ha u snem 2014. Ki paidbah ki la kyntait ia ka seng Congress ha Rajeshthan bad ha Delhi.
Na ka liang jong ka BJP ka la kam ba ka jingjop biang jong ka seng ha Madhya Pradesh ka dei na ka daw ba ka BJP ka la synshar bha ha kine ki san snem kiba la leit noh bad ka jingjop don burom ha Chhattisgarh ka dei na ka daw ba ki paidbah ki la ngiah ia ka seng Congress.
Na ka liang jong ka BJP ha kane ka jylla Meghalaya ka la ong ba ki paidbah kane ka jylla ki kwah ban weng noh ia ka seng Congress na ka bor bad ki paidbah kila iohi ka seng BJP kum kawei na ki seng sain pyrthei kaba lah ban ialam ia ka ri hapoh ka jingialam jong u Narendra Bhai Modi u ban long u kyrtong prime minister jong ka Ri.
Na ka daw ba mynt aka sngi ka dei ka sngi u blei na ka liang jong ka seng BJP kam shym la lah ban ia leh kmen mynta ka sngi hynrei na ka liang jong ka seng kan sa leh burom ha ophis trei kam jong ka ha kine ki sngi ban sa wan.(SP News)
