Shillong, Naiwieng 30: Ki seng sain pyrthei kiba la pdiang ia ka jingkhot jong 
ki seng bhalang kiba dawa ia ka ILP ha Madan student mynta ka sngi ki long ka UDP, KHNAM bad HSPDP, kane ka jingialang ka long ban pynshai paidbah ia ka jingdon kam ia ka ILP ha kane ka jylla Meghalaya.
Ia ka seng UDP la mih khmat da u Bah Paul Lyngdoh, Working President jong ka party, Dr Jemino Mawthoh, Titus Chyne bad Embhalang Syiemlieh baroh kid ei ki MLA. Lah ban kdew hangne ba u Bah Paul bad u Bah Embhah ki long ki nongialam jong ka seng KSU ha ki por mynshuwa.
Na ka liang jong ka KHNAM la mih khmat da u president jong ka seng u Bah Pyndap Saibon, ki lai ngut ki MDC jong ka seng ha KHADC u Bah Adlebert Nongrum, Ban Basaiawmoit bad u Latiplang Kharkongor.
Na ka seng HSPDP la leit ban mih khmat hi da u president jong ka seng, u Bah Hoping u la dei u nongmih khmat u ba la rim tam ha ka iing dorbar thawain ka jylla bad u la ong u wei na ki nongialeh ban pynioh ia ka jylla Meghalaya. Kum ka jingburom ia u ne u rangbah ki paidbah ki la ia pyrta imslem bah Hoping.
Ha kane ka sngi u u kyrtong MP jong ka kynhun PCF u Dr PBM Basaiwmoit ruh u la ia don lang ha kane ka jingialang, nalor kine ki la don ruh ki rangbah shnong ki khlieh nongsynshar.(SP News)
