Shillong, Naiwieng 17: Ka kong Agnes Kharshiing president jong ka CSW
O, ka ong ba na ka liang jong ka seng ka pynrem jur ia ka jingthang ia ki para briew bad ka jingkawang petrol bomb ia ki iing ki sem, kane ka paw ba ka lah ban dei tang ka jingiapynhiar kput.
Na ka liang jong ki pulit kiba tohkit ia kane ki jingjia baroh ki dei ban pyndon kam ia ka jingmud jingpyrkhat jong ki ba ki paidbah kim juh kwah ban leh ia kine ki kam ban shim ia ka jingim briew, ia kine ki kam la leh dan ki riew shim kabu. Ka jingpyrshang jong ka sorkar ban thwet tang ia ki dkhot kiba dawa ILP ka long kaba bakla bad kane ka pyni ia ka jingtlot jong ka jingthohkit.
Ka sorkar ka la dei ban wan rah da ki briew kiba tbit ha kane ka kam bad ki dei ban leh ia ka kam tohkit ka jong ki khlem da shah pynbor ia ki politician da kaba leh kumne kin lah ban lap ia ki briew kiba don kti shisha ha ki kam pynklumar ym ban shu tei pop ha ki kynhun ba ia khih ILP.
Ka jingdawa ia ka ILP ka long katkum ka riti synshar jong ka Ri India, ki la don kiba kwah ban pynkylla ia ka ain, hynrei imat ki don ki ba kwah ban pynklla dur ia kane ka jingialeh ban dawa ia ka ILP da kaba wanrah ia kine ki jingleh kum ki kam lehnoh.(SP News)
