Shillong, Naitung 20: Ka jingalang bad shisngi jong baroh ki seng ba dei peit ia ka hok long briew man briew mynta ka sngi kila pynlong ia ka jingialang ha Diocesan Social Service Society, Mantripukhri, Imphal, Manipur halor ka phang “ ban sngewthuh ia ka hok jong ki trai muluk trai jaka ha North East”.
Ka jingthmu haba khot ia kane ka jingialang ka long ban wanrah ia ka jingiasngew kawei hapdeng ki trai ri trai muluk jong kane ka dong baroh kawei khnang ban bu lah ban ia pynneh pynsah ia la ka jong long trai ban shim ia kano kano ka rai khlem da shah ialam ha kiwei.
Ha kane ka jingialang la shim ia ka rai ban buh noh ia ka tand trei kam jong baroh ki kynhun jong kane ka thian ban pynkhlian ia ka jingiadei hapdeng jong ki briew kaneka thain bad ban shim ia ki jingiada iaka hok jong ki rit paid.
Ha kane ka jingialang la ia kren ruh ia ka bynta jong ki kynthei kaba ki don ban leh ha ka imlang sah lang, ia ki kynthei dei ban pynkhlian ha kaba kin sngewthuh ia ka hok jong ka jingialang trai long muluk ha ka jong ka jaka.
Ha kane ka jingialang kaba mynta ka sngi la wan ban ia shim bynta da baroh ki seng ba dei peit ia ka hok long briew man briew jong kane ka thain kiba kynthup ia ka Meghalaya Peoples Human Rights Council (MPHRC), Naga Peoples Movement for Human Rights (NPMHR), kum ki nongkhot ia kane ka jingialang kiwei pat ki long ka Indigenous Women’s Forum of Northeast India (IWFNEI), Karbi Human Rights Watch (KHRW), Zo Indigenous Forum (ZIF), Sinlung Indigenous Peoples Human Rights organization (SIPHRO) & United Naga Council (UNC).(SP News)
