Shillong, Nailur 27: U myntri rangbah ka jylla u Dr Mukul Sangma u la ong ba ki seng bhalang kiba daw ban pyntrei kam ia ka ILP ha kane ka jylla ki leh kumba leh ki seng lehnoh.
U myntri rangbah u la ong ba ki jingiakhih kiba ialam sha ka jingpynjot ia ki jingdon jingem jong ka sorkar bad ia ki jingki riew shimet ka wanrah ia ka jingsyier ha ki paidbah bad kane ka ia ryngkat bad kaei kaba ki seng lehnoh ki leh, kum ki paidbah nongshong shnong dei ban pynrem ia kane ka jingleh.
U myntri rangbah u la ong ba ka long kaba sngewlyngoh ban iohi ia ki jingkynnoh ba ka sortkar ka leh donbor, hynrei lada ki don ki briew kiba pynbor ia ki briew ba kimd ei ban mih na ki iing jong ki da kaba leh ia ki kam pyntriem baki paidbah ki syier kin smieth hato kane ka jingleh ka long katkum ka riti synshar paidbah la kylli u myntri rangbah.
U myntri rangbah u ngiet skhem ba ka ei kaba ka sorkar ka leh ka long kaba dei ha kaba iada na ka jingwantuid jong ki briew kiba na bar sha kane ka jylla bad kine ki briew kiba pynlong ia kine ki jingiakhih ruh ki sngewthuh ia ka jingleh jong ka sorkar ba ka leh ia kaba dei.
Ki paidbah nongshong shnong kim kwah ban don ia kum kine ki jaid jingiakhih, ym don ba kwah ban don ka pakhang shnong kiba but ruh sha ki kam pyntreim. Baroh ki ong ba ki don kata ka jingpyrkhat na ka bynta ka lawei jong ka jylla, hynrei ka jylla kan kiew sha phrang tang lada ka jylla ka don ia ka jingshong suk shongsain bad kine ki jingiakhih ki dei ban kut noh.
Na ka liang jong u myntri rangbah u la ong ba long kiba iai shah bad don ka jingshah niah dei ha kane ka rukom ba kumno ka synsahr paidbah ka trei kam bad ka jylla ruh kan kiew ha baroh ki liang. Ka nongrim kaba ka sorkar ka ieng ban trei kan long ha kaba shit ba shai khlem da don kano kano ka jingbuhrieh bad kane kan long ruh ka jingtrei kam jong ka sorkar ha kip or ban sa wan ruh, la ong u myntri rangbah.(SP News)
