Shillong, Risaw 03: Ka kynhun shipai suin jong ka Eastern Air Command kin pynlong ia ka “Air Festival 2013” ha Upper Shillong, kane ka long ban rakhe ia ka jingdap 81st snem jong kane ka kynhun shipai.
Kane ka jingleh kmen kan sdang da ka jingehr jong ki lai tylli ki lieng ia pom kiba dei ki
Sukhoi-30 MK I. bad kin bud sa bun kiwei kiwei ki jingialehkai kiba khampher ban khring ia ki paidbah kum ka jingpynhap parashut.
Ha kane ka sngi kan don ruh ka jingpyninam ia kiba bun kit air ialeh jong ka kynhun shipai jong ka Ri India kane kan long ka lad ia ki paidbah ba kin ioh ban ktah ia kit air ia pom jong ka Ri India. Kin don ruh ki jaka die jingbam.
Kane ka jingleh kmen kan plie na ka bynta ki paidbah haduh ka por 10 baje mynstep bad kan kut ha ka por 4 baje jan miet.(SP News)
