New Delhi Jymmang 01: Na ka bynta ban kham pynbha ia ka rukom sam ia u khaw rashon sha kito ki long iing kiba la tip na kiba duk na pdeng kiba duk tam ia kaba la sdang ha u snem 2000 jong u bnai Nohprah ka la sorkar mynta ka la pynkiew naka 25 kilo sha ka 35 kilo na ka bynta kito kiba ioh ia ka skhim “Antyodaya Anna Yojana”.
Ka dor jong une u khaw ka long T.3 tyngka shi kilo bad ia u Ata ka long T.2 shikilo. Kane ka jingsam khaw kaba 35 kilo ka la sdang naduh u snem 2002 jong u bnai Iaiong. Kane ka long katkum ka jingpynlait khubor na ka tnad pathai khubor jong ka sorkar pdeng.
Ia ki kyndon jong kane ka ain ban sam ia u khaw rashon la pynkylla shuh shuh ha u snem 2009 bad ha kane ka jingpynkylla la kdew shai kdar ba baroh kito ki riew kynthei kiba sah marmwei bad kito ki shynrang briew kiba sah marwei kiba la palat ia ka 60 snem shaneng bad kito kiba kit iaka jingpag HIV ki dei ban ioh ia une u khaw.(SP News)
