Shillong, Jymmang 31: U Deputy Labour Commissioner u ba dei ruh u Member Secretary, District Task Force ha kaba ia dei bad ka kam bylla jong ki khynnah la ong ba kat kum ka ain Child Labour (Prohibition and Regulation) Act, 1986 hapoh ka kyndon kaba 3 la khang pyrshah ia ki khynnah hapoh ka 14 snem ka rata ba kin trei ha ki katto katne ki kam kiba la jer kyrteng hapoh katei ka ain.
Ki kam kiba la khang pyrshah ban nym khot bylla ia ki khynnah ki long, ha ki jaka ot doh, shna kali, ki karkhana, haki kam tih marpoh khyndew, ban shong shakri ha ing ki briew, ha ki hotel, ki restaurant, Dhaba, ki dukan sha kumba la kdew ha katei ka ain
Hapoh ka kyndon kaba 3 jong katei ka ain ka la kdew shai kdar ia ka jingtrei kam na ka bynta jong ki khynnah. Na ka liang jong u tei u heh sorkar u la ong ba kino kino ki kam kiba lah ban trei da ki khynnah ka long ha kiwei pat ym ha ki kam kiba la kdew ha ka ain.
Lada lap ba ki don ki briew kiba khot bylla ia ki khynnah kiba hapoh jong katei ka rta ka jingpynshitom ia ki trai nong ai bylla ki long kalong da kaba dain kuna T.10000/- tyngka la ong u Commissioner ba dei peit ia ki nong bylla.(SP News)
