Shillong, Lber 14: Ka dorbar mang tyngka jong ka jylla Meghalaya ka la sdang mynta ka sngi da ka jingkren jong u Lat ka jylla u RS Mooshahary, kumba juh long man ka por ha ka sien shong dorbar kaba nyngkong jong u snem.
Ha kane ka jingkren jong u Lat ka jylla u la ong b aka long kaei kaei kaba I pang met ban iohi ba ki kam leh beijot ha kane ka jylla ka la nangkiew, haba phai sha kiwei pat ki kam sinew u la ong ba wat la ki dang don hangne hangtai hynrei ka la duna.
Haba ia dei pat bad ka planning u la ong b aka jingmang pisa na ka bynta jong u snem 2012-2013 ka long T.3,939 klur bad kane kapyni ia ka jingkiew da 44% na ka snem kaba la leitnoh, katba na ka bynta jong u snem 2013-2014 pat ym pat pynbeit.
Ha kaba ia dei bad jinglum bad jingsiew ia ki khajna na ka liang jong ka sorkar kan iakren bad ki bank bankham pynbun ia ki jaka siew iaki khajna da ka E-Payment kane ka long ban pynsuk ia ki nongsiew khajna.
Ha kane ka jingkren jong u lat hapoh ka iing dorbar thawain ka jylla u la kdew bad ktah lut ia baroh ki tnad jong ka sorkar jylla.(SP News)
