Shillong,Rymphang,04: Ka F.K.J.G.P Mawtawar unit baroh kawei khlem da lah ban da pynpaw iaka jingkmen ba ki kynhun nong rwai Umjer na ka dong ka thain Mawlai Mawtawar ki don ha ka jing iakhun bad poi ruh shakhmat ha ka India Got Talent’s na Colour Channel ha kaba ki khynnah na kane ka dong ym ba ki la poi sha khmat.
Na ka liang jong ka Seng ka kitbok kitrwiang ia kine ki kynhun nongrwai (Umjer) bad ka kyntu ia ki paidbah jong ka bri u hynniew ba kin kynmaw lem ia ki bad ban kyrshan ia kane ka kynhun da kaba vote ia ki khnang ba ki lah ban poi sha ka thong jong ka jingjop.
Ha katei ka jingiakop rwai ngin buh ruh ha ki jingduwai na ka bynta ka jong ki ba kin ioh ka met kaba koit kaba khiah,namar kane ka jinglah jong ki ban poi sha ka thong kaba kham sha khmat jong kane ka kynhun ym tang ba ka wanrah ia ka burom ym ia ka shnong Mawlai hynrei ia ka jylla baroh kawei.(SP News)
