Jowai, Rymphang 17: Ka Jaintia Students’ Union (JSU) seng kmie ha ka jingpyllait khubor mynta ka sngi ka pynpaw iaka jingsngewkmen ha kaba u wei naki nongialam barim jongka Seng ha ki snem kiba la dep U Colin Laloo ha kaba u la shim iaka rai ba rangbah ban iakhun ha kane ka Election sha ka Ing Dorbar Thawain jongka Jaintia Hills Autonomous District Council mynta u Snem da ka jingthmu ban shakri khambha shuh shuh iaka ri bad ka Jait bynriew.
Kumta na ka liang ka Jaintia Students’ Union (JSU) ka kitbok kitrwiang ia une u nongialam barim ka seng ba un ioh iaka met kaba koit bakhiat khnang ba kum u nongialam barim bad uba juh kit iaka lyngkor kaba khia naka bynta ka Ri bad ka Jaitbynriew, u iohlad ban pyndep hok ia kane ka jingthmu kaba bha ka jongu, bad ba un poi sha ka thong jongka jingjop khnang ba un dup lah ban bteng bad ai shuh shuh iaka mynsiem ban shakri hok iaki paidbah bad kumjuh iaka Ri bad ka Jaitbynriew hi baroh kawei.
Sa shisien na ka liang ka JSU ka kyrmen skhem ba kane ka jingmut jingthum ba bha jong une u nongialam barim jongka seng kan poi sha ka thong jongka jingjop khnang ba kum u briew uba ju don ka jingbahkhlieh iaka im ka iap jongka Ri bad ka jaitbynriew u ioh iaka lad ban shakri hok shuhs huh naka bynta ka ka bha ka miat bad ruh ban iada iaka ri bad ka Jaitrbynriew.(SP News)
