Shillong, Kyllalyngkot 18: Ka Treilang Jaintia Student Sport Club ka kitbok kitrwiang ia ki lai ngut candidet kiba iakhun ha ka election 2013, u Ma R Syngkon u ba iakhun na ka 4-Mowkaiaw Constituency, u Ma M Pariat u ba iakhun na ka Jowai-Constituency bad u Ma H Dkhar u ba iakhun na 1-Nartiang Constituency.
Kane ka Club ka pynpaw shisha ka jingkmen khlem daklet ia ka jinglehbha jong ki bad ki pynshlur ai mynsiem ia ki khun samla ka thain kiba sah ba pule ha sor shillong ha u snem 2011 ban iashimbynta ha ka 1st Meghalaya Open Under-21 Football Tournament 2011 ba la pynlong da ka Pay For Right Youth And Cultural Club Malki kiba wan iashimbynta na kylleng ki district ha jylla haduh 64tylli ki kynhun.
Ka TJSSC ka don shisha kita ki khynnah kiba don sap ba don ki phong ban ialehkai haduh ba ka la rung saduh jong ka Final ha kane ka Tournament bad don ruh katto katne kiba shah jiet ha kiwei ki club ha shillong ban ialehkai.kane ka club ka pynpaw kawei ba mynta ka lajah khlem da iashimbynta ha kino kino ki tournament naduh bala shah pynrem jubor ha u referee khlem nongrim haka final ka dei hok ban jingjop jong ka TJSSC ka dei ban jopsuk iaka Mawlai da 3-1 ka por ka la dei ban kut katkum ka por,
Ha kawei pat ka liang ka Club ka pynpaw ia ka jingsgewdiaw mynsiem ia u wei u MLA ba ai jingkyrshanlang na kawei ka por sha kawei ba u larai ban shongthait na kane ka Election u Ma N Lyngdoh bad ka club ka kitbok kitrwing ia u ban ioh ka met ka phad kaba khlain shirta ki sngi. kane ka club ka pynpaw ai khublei ruh ia kiwei kiba aikyrshan ia kane ka club.
