Tura Rymphang 17: Ka seng lehnoh Garo National Liberation Army (GNLA) kala pynpaw ia ka jingkloi jong ka ba poi sha ka miej jingiakren ia suk tang lada ka sorkar ka pynlait noh ia u Chairman jong ki u Champion Sangma khlem ka jingteh kyndon kum ka jingiabujli mar kylliang.
Kumba ka long mynta u Champion Sangma u don hapoh phatok ha Shillong jail ha dienb a la ioh ban kem ia u na Pyrdiwah ha East Khasi Hills District, kane ka jingkloi ka GNLA ban wan sha ka jingiakren ka long ha dien ba u wei na ki nongialam ka seng ka seng u Reding T Sangma u la mih bad thaw ia kawei pat ka seng lehnoh.
Ha ka jingpynlait khubor jong u Command-in-Chief jong ka seng GNLA u Sohan D Shira u la ong ba ka seng ka kwah ba ka sorkar ka dei ban pynliat khlem kano kano ka jingteh kyndon ia u Chairman jong ki.
Ha dien ba u Champion u la shah kem ha ki pulit na Pyrdiwah ha u snem 2009, ia kane ka seng la ialam da u Sohan. Halor kane ka jingkloi ka seng ban wan sha ka jingiakren ia suk u tei u nonbgialam ka GNLA u la ong ba ki burom ia ka jingkhot jong u Lat ka jylla u Dr K K Paul bad ha ka juh ka por ai ka sorkar kan pynlait ia u Champion ba un long u nongialam ia kane ka jingiakren ia suk.
U Sohan, u la ong ba ai ka sorkar kan pynlait shuwa ia u Chairman jong ki bad ka seng kan sa shim ia ka rai ha kaba ia dei bad ka jingiakren ia suk. La ong ba ka seng GNLA ka don la ka jong ka riti synshar bad baroh ki ioh ia ka bor na ka bad um don u wei ruh na ki dkhot ka seng la ki nongialam ne ki langrut ba kin shioh ia ka bor na lade.
U Sohan u la kyntait ia ki jingkynoh baroh bad u la ong ba kaei kaba la kren da u Reding ka long kaba bakla bad kane ka seng kaba thymmai kaba don lang u Mingran T Sangma u ba dei u nongsyntiait jong ki pulit bad u nongshallan tiar sha kane ka seng lehnoh.(SP News)
