Shillong, Kyllalyngkot 10: Ki 13 tylli ki seng bhalang kiba ia khih ha kane ka jylla ban dawa ia ka jingpyntrei kam ia ka Inner Line Permit ha kane ka jylla ki la pynpaw ba ki long kiba la kloi ban ia kren bad ka sorkar khlem kano kano ka kyndon kumba ka sorkar ka la pynpaw bad na ka liang jong ki ruh ki pdiang ia kane ka jingtyrwa.
Na ka liang jong u nongialam jong ka KSU u Bah Auguster Jyrwa ha ka jingpynlait khubor mynta ka sngi u la ong ba lada ka sorkar ka kwah ban ioh ia ka jingiakren kaba shai kdar ka dei ban sangeh ia ka jingthwet ia ki nongialam jong ki dkhot jong ki 13 tylli ki seng.
Shuwa ba kin ia kynduh ia ka sorkar ki ruh ki don kam ia ka jingiakynduh lang ba kin ioh ban ia phylliew jingmud para ma ki lada ka sorkar ka dang iai thwet ia ki kumba ka long mynta ka long kaba eh ia ki ruh ban iohi ka rai ha ka jingiakren kaban long ha ka 15 tarik mynta u bnai.
U tei u Genenral secretary jong ka seng KSU u la ong ba ha kum kane ka por ka sorkar ka dei ban sangeh noh ia kane ka jingthwet ia ki nongialam jong ka seng khnang ba baroh ki dkhot jong ki 13 tylli ki seng kin ioh ban ia sh8im bynta ha kane ka jingiakren.(SP News)
