Shillong,Rymphang 05: U nongialam niam Buddhist u Dalai Lama u ba khatsaw u la ong ba u kloi ban peit phai biang sha Tibet lada ka jingshong suk shongsain ka wan phai biang ha katei ka Ri, u la ong ba 99 percent ki Tibetan ki ap ia ka jingleit phai ka jing u.
U la ong bay n nym don ba tip lano kane ka wan urlong hynrei kumba ka long mynta ki paidbah Tibetan ki ap khmih lynti ia u ban leit phai sha ka tei ka, u la ong ba u long u ba la kloi ban leit phai hynrei ka sorkar China kam shah ia u.
Ha ka juh ka por u la ong ba ka don ka jingma ba lada u leit phai sha Tibet ka Ri China kan kem bad set ia u ha phatok, namar ki riew buaid bor ha China ki khot ia da u ksuid, hynrei ka pyrthei baroh kawei ka tip ia kaei kiba jia ha katei ka Ri Tibet.
U la ong ba ka Ri Tibet kumba ka long haduh mynta ka ia tylli kawei bad kane ka jingleh don bor jong ka Ri China kala dang pynkhlian shuh shuh ia ki ha ka jingiatylli, ka China kala wan kam ia ka Tibet da ka jingwan hiar thma ha u snem 1950, ha kane ka juh ka por ka UN ka la shim lai tylli ki rai hyhnrei kam shym la trei kam.
U la ong ba kumba ka long mynta wat ki paidbah na ka Ri China ki kyrshan ia ka jingdawa jong ki nong Tibet. Kumba ka long mynta ki nong China kila dang bun ha Lhasa bad kane kan sa kylla long ka jaka jong ki China. Ha ka juh ka por u la ong kiei kiei kila wan ki jingkylla hapoh ka Ri China bad ha ki snem ban dang kan kan dang don shuh ki jingkylla, la ong u Dalai Lama.(SP News)
