Jowai, Naiwieng 14: Mynta ka sngi ha ka por mynstep katba ki nongkhaii ban shallan mar na kad khaii Tambil sha Bangladesh ki dang ia ap ban sngewthuh la ka jingiakhaii kan plie ne em namar ba ka don ka jingpakhang shnong sha Bangladesh.
Ha katei ka por la ong ba la wan ka wei ka long kmie bad ka la kren khlem da ia sngap shuh ka la mih ka jingia ktah kti hapdeng ki para nongkhaii bad kane ka jingjia ka la poi sha ka jingia ai FIR mar kylliang hapdeng ki nongkhaii.
Baroh ka ong ba kane ka jingjia ka dei na ka jingleh jong ki Custom jong ka Ri India kumno ki shah ban leit ki trok sha Bangladesh ha kaba ha katei ka Ri ka don ka pakhang shnong bad na ka liang jong ki Custom ka Bangladesh ruh kim shym la ai kano kano ka jingpynshlur.
Katkum ki thymmei khubor la ong ba na ka liang jong u SP jong ka West Jaintia Hills u la hiar hi da lade ban lap ia ki jingshisha ha katei ka jingjia bad ban tohkit balei ka mih ka jingiashoh ia dat. (SP News)
