Shillong, Iaiong 06: Ka jingialang jong ka Congress Legislature Party (CLP ) kaba la long mynta ka sngi ka la shim ia ka rai ban pynieng ia ka Kong Wansuk Syiem kum ka kyrtong na ka bynta ka Bye election sha Rajya Sabha kaban long ha ka 18 tarik mynta u bnai.
Da kane ka jingshah jied ka Kongwan suk kan sa long ka kynthei kaba nyngkong na Meghalaya ba kan poi sha kane ka kyrdon MP sha Rajya Sabha ba kan pyndep ia ka por ba dang sah sha shisnem ia kaba la ieh noh da u Thomas Sangma jong ka NCP.
Haba ia dei pat bad ka kam Deputy Speaker ka CLP ka la shim ia ka rai ban pynieng ia u Bah Sanbor Shullai kum u kyrtong na ka liang jong ka sorkar MUA-II.
Haba kren ha ki nongthoh khubor na ka liang jong u Chief Minister u Dr Mukul Sangma u la ong ba ia kane ka rai pdiang da ka CLP namar ba ka la don ka jingiakren hapdeng ki nongialam jong ka seng Congress bad ka NCP ha Delhi bad na ka liang jong ka CLP ruh ka la pdiang ia ka rai jong ki nongialam jong ka party.
Kumba ka long mynta kitei ki kyrtong ka la pynthikna ba kin jop da kaba suk ia ka election Rajya Sabha bad ka ia ka kam deputy Speasker namar ba ka liang synshar ka la don lypa ia ka jingbun paid.(SP News)
