Shillong, Kyllalyngkot 03: Ka Bharat Bank ia kaba la khot da ki seng trei mon sngewbha ha kane ka ri India ban pyrshah ia ka jingshah ia ka jingiap jong kawei ka samla kaba la shah leh beijot ha ka nongbah Delhi, ka la trei kam ruh ha kane ka jylla Meghalaya wat la kam shym la long kaba khlain kumba ka long ha kiwei ki bynta jong ka Ri India.
Ha kane ka nongba
h Shillong la iohi ba ki iew ki hat ki khang bad ki ophis ruh ki khang, ki kali kami kiba iaid ki long tang khyndait. Ka Iewduh kaba dei ka iew kaba heh duh ha kane ka jylla Meghalaya mynta ka sngi ka la khang khyrdep kane ka long ban ai ka jingkyrshan ia ki seng kiba khot ia kane ka Bahrat Band.
Bun na kiba u SP News Agency u la ioh ban ia kren ki pynpaw ia ka jingsngewsih ba kum kine kiei kiei ki jia ha kane ka Ri India bad wat ha kane ka jylla Meghalaya. Bun ki la pynpaw ba dei ban don ia kaain kaba khlain ban pynshitom ia ki nongleh bym man.
Bun ki la pynsngew ba lada ki nongleh bym man ki pynjot ia ki khynnah kiba dang hapoh ka 18 snem ka srta la dei ban shu sdien phai is ki ha ki jaka paidbah bad lada dei ia kiba la heh la san dei ban tian bihsar bad ha dien ba la rai pynrem dei ban set ia ki shijingim ha along.
La pynsngew ruh kine ki jingjia ki long ba ha kane ka Ri India khamtam eh ha ka nongbah Delhi la jyllei palat ka jingdie ia ki drugs kiba lai phet jaid bad u briew ha dien ba u la dih ia kine ki jingdih pynbuiad ymtip shuh kaei kaba u leh.
Ha ka juh ka por ka jingbym lah ka sorkar pdeng ban khanglad ia ki website kiba jaboh kiba wan na sha bar jong ka Ri ha kaba ki briew shynrang bad kynthei ki ioh ban peit ia ki ha ka kti jong ki lyngba ka Internet kaba don ha ki mobile, ka sorkar pdeng ka dei ban wad ia la lad kumno ban khanglad ia kum kine namar ka Internet ha India ka dang long kaba thymmai na ka bynta jong ki paidbah.
Ka President jong ka CSWO ka haba kren ha u SP News Agency ka la ong ba na ka liang jong ka seng ka ai ka jingkyrshan ia kito kiba khot ia kane ka Bharat Band mynta ka sngi, haba phai sha kane ka jylla Meghalaya kine ki kam leh beijot ia ki kynthei ka la nangkiew. Haba phai pat ha ka liang jong ka jingpynshitom ia kiba shah kynnoh ka long kaba duna bha.(SP News)
