Shillong May 13, 2013: Ka Sahitya Akedemi kala pynlong ia ka Bhasha Samman Presentation Ceremony bad jingai jingpynshai ha Soso Tham Auditorium, Shillong ha kaba ka ka myntri jong ka sorkar jylla Meghalaya kaba peit ia ki kam pynroi sor ka Dr. Ampareen Lyngdoh kan long ka kongsant.
Ka Dr. Ampareen Lyndoh ha ka jingkren jongka ka la ong ba na ka daw ka jingduna ki lad ki lynti bad ki rynsan ha kaba bun nongthoh bakhraw ha ka pateng ba la leit noh kum ki nongthohkot ki lah ban jah noh ha ka jingpyrkhat jong ki.
Kala ong ba ka sorkar ka hap ban plie lad plie lynti ban ai jingiarap lang ha kum kine ki jait programmes khnang ban ai mynsiem ia ki khynnah samla ban ieid bad ban niew kor ia ka ktien lajong bad ia ka riti ka dustur. Ka ong ruh ba ka ktien Khasi ia baroh ba kin dang bteng ban thoh bad ban pyndap bad banpynriewspah ia ka jait bynriew ba mynta, bad ka don hok ruh ban ithuh ia ka kum ka ktien sorkar ha ka Ri India.
Ka jingialang ka long kaba donburom da ka jingdonryngkat lang jong u President, ka Sahitya Akademi, Vishwanath Prasad Tiwari bad u K. Sreenivasarao, Secretary, Sahitya Akademi.
Ka Bhashan Samman kadei ka jingpyndonburom kyrpang halor ki nongthoh bad ki riew shemphang kiba la noh synniang ban pynkiew bad pynriewspah ia ka ktien. Ka jingaikhusnam ka kynthup ia ka momento bad ka pisa kaba 1lak tyngka. Ha kane ka snem ka jingaikhusnam ka kynthup ia ka Narayan Chandra Goswami na ka bynta ka Classical bad Medieval Literature, Hassu Yajnik na ka bynta ka Classical bad Medieval Literature, Tabu Ram Taid naka bynta ki ktien kiba la jah bad literature, Addananda C. Carriappa and (L) Mandeera Jaya Appanna kila ioh lang ia kane ka khusnam na ka bynta ba ki thoh haka ktien Kodava language bad Sondar Sing Majaw u ba la thoh ha ka ktien khasi.
Ha ka jingkren jong u Mr.Tiwari u ong ba ka India ka dei ka ri kaba bun ki jait ktien bad ki jait bynriew. Nalor 24 tylli ki jaitktien ba la ithuh da ka Sahitya Akademi, ki dang don sa hajar tylli ki ktien , ki jingthoh ki pyni ia ka riti dustur jong ka jait bynriew. Nalorkata u kyntu ia baroh ki briew ban burom bad ban pynriewspah ia ka jingshem ba khraw jong u longshwa ka dei ka ktien kaba dei kawei ruh ka jingithuh ia ka dustur jong ka jaitbynriew.(SP News)
