Shillong, Naitung 03:Ka Khasi Student Union (KSU) mynta ka sngi ka la leit ban ia kynduh ia ka myntri kam poh iing ka jylla ban dawa na ka sorkar ba dei ban pynsangeh shuwa ia ka jingpyntrerikam ia ka “Aadhaar” ia kaba la tip kum ka “Unique Identification Number” (UIN) ha kane ka jylla Meghalaya.
Na ka liang jong u president jong ka KSU u Bah Daniel Khynriem haba kren ha ki nongthoh khubor ha dien ba la dep ban ia kynduh ia ka myntri kam poh iing la ong ba ka seng ka la dawa ba dei ban pynsangeh noh ia kane ka jingpyntrei kam ia ka UIN ha kane ka jylla namar kane kan wanrah ia ka jingwan tuid jong ki boar jylla.
Naka liang jong ka KSU ka la ong ba ia kane ka kam dei ban da ia kren bad wad shuwa ia ki lad ki lynti kumno ban iada na ka jingwan tuid jong ki bar jylla ha kane ka jylla Meghalaya ynda la dep leh ia kane yn sa ia kren.
Ha kane ka jingiakren na ka liang jong ka myntri kam poh iing ka la ai kajingkular ban yn sa pynsangeh shuwa ia kane ka jingpyntrei kam ia ka UINha kane ka jylla Meghalaya ha dien ba la dep ban ia kren bad ki bor ba deipeit.
Naka liang jong ka KSU ka la ong ba ka sorkar ka dei ban pan jingmud shuwa ha kaba ia dei bad kane ka kam bad ha ka juh ka por ka la dei ban pan ia ki kot ki sla kiba biang khamtam na kito ki nongshong shnong ki bym dei ki trai jylla ha kaba pynrung ia ki ha kane ka jingpynrung kyrteng ha ka UIN.(SP News)
