Shillong,Jymmang 08: Ka National High Way Authority (NHAI) kala ia kynduh ia ki nongialam jong ka seng Hynñiewtrep Achik National Movement (HANM) ka shnat trei kam jong ki kynthei ban ia kren ha kaba ia dei bad ka jingdawa jong kumno ban iada na ka jingmynsaw bad ka jingiap jong ki briew ha ka surok bah Shillng By-Pass.
Ha kane ka jingiakynduh na ka liang jong u manager (T) Karge Kamli u la ai ka jingkular ba kin ai ia ki jingdawa jong katei ka seng ia kiba ka lah ban leh kum ka jingbuh ia ki line lieh ban iaid ki briew, ki spead breaker ha ki jaka ba don ki shnong khamtam na Duh Lad Umroi haduh Nongtraw.
Na ka liang jong ka seng HANM jong ka shnat ki kynthei ha ka 21 tarik jong u bnai Lber ba la dep ka la pynlong ia ka jingiaid kjat ban pynpaw ia kane ka jingeh kaba ki paidbah ki ia kynduh ha katei ka thain.
Ha ka juh ka por na ka liang jong ka seng ka ai khublei ia ki rangbah shnong bad ia ki paidbah kiba la ai ka jingkyrshan ia ki ha ka por ba ki pynlong ia ka jingiaid kjat.(SP News)
