Tura, Naitung 19: U Chief Executive Member jong ka Garo Hills Autonomous District Council (GHADC) u Alphonse Sangma u la khot ia ka jingiakren bad ki nongialam jong ka seng Garo Student Union (GSU) ban ia kren halor ka jingdawa ka jong ki ban nym shah ia ki bym dei riewlum ban ioh thep vote ne ia khun ia ka election ha ka MDC.
U President jong ka Garo Student Union(GSU) U Tengsak G Momin u la pyntip sha u SP News Agency ban aka liang jong ka seng ka la leit ban ia kynduh ia u CEM halor ka jingkhot jong u ban ia kren ia kaei kaba ka seng kala dawa.
Ha kane ka jingiakynduh na ka liang jong u CEM jong ka GHADC u iathuh ia ki nongialam jong ka GSU ba na ka liang jong ka Council kam shym la shong thait ha kaba ia dei bad katei ka jingdawa ka jong ki ki la thoh sha ka District Council Affair jong ka sorkar jylla ia kane ka kam.
Ha kane ka jingiakynduh na ka liang jong u CEM u la pyntip ruh sha ki nongialam jong ka GSU ba na ka liang jong ka Executive Committee ka la shim ia ka rai ban kin wan rah da ka Bill hapoh ka iing dorbar ha kaba ia dei bad kane ka jingdawa jong ka seng GSU.
Ka jingiashong dorkar kan sdang ha ka 23 tarik mynta u bnai bad ia kane ka bill yn wanrah katei ka sgi sdang jong ka jingiashong dorbar la kular u CEM. Halor kitei ki jingkular baroh na ka liang jong ka GSU ka la wengnoh ia baroh ki programme jingiakhih kaba kila buh khamtam ka jingialang paidbah kaba ki lapynbna ban long ha Tura.(SP News)
