Shillong, Kyllalyngkot 23: U myntri ka sorkar pdeng u Oscar Fernandes, Union Minister, ba dei peit ia ki kam shna surok ha kane ka Ri, bad ka tnad jong u ka peit khmih bniah ia ki rukom treikam bad ki rukom pyndep ia ki jingtrei ia ki Surok Highway kiba pyntrei da ka National Highway Authority of India(NHAI), kynthup ia ka jingai jingbit kaba kloi ban pynbeit ia ki jingeh jong ka tnad BSNL, khnang ba kin Lah ban pyndep ia ka jingshna thymmai ia u line fiber optic cable kiba la dkut lut na ka jingshna surok thymmai haka surok bah Shillong Guwahahti.
Ia Kane u Oscar Fernandes, Union Minister, u la kren skhem ha u Bah John F Kharshiing, Co-Chairman, Meghalaya State Planning Board, MSPB, Chairman, Grand Council of Chiefs of Meghalaya, haba u la ia kynduh ia utei u Myntri Sorkar India, mynta ka sngi 22 Jan 2014, bad u la kyrpad jur ia u Union Minister, ban peit kyrkieh namar ka jingtlot palat ka link (weak broadband connectivity) na ka bynta ki jaka kiba shabar ka sor Shillong, khamtam ha ki headquater jong ki 39 tylli C&RD Block offices hapoh ka jylla Meghalaya bad la kyrpad ia u ban khmih ia ki jingsahkut bad ki jingeh kaba ia tyngkhuh hapdeng ka BSNL bad ka NHAI, kaba la Shem jingeh namar ki kyndon bad ki rule kiba bun ban ioh siang ia u line thymmai. U la pyntip ha u Union Minister, ba haduh kine ki sngi ka BSNL ka la pyntip ia u Bah John F Kharshiing, ba ka hap ban shu pyndonkam shipor mynta da u tower jong ka tnad Power Grid ban pynioh ia ka link sha noth East.
U Bah John F Kharshiing, Chairman, MSPB, U la iathuh ha u Union Minister ba u line Broadband na ka bynta ka Phone, Mobile, Internet, jong ka tnad BSNL ki la shah ot naphang ha ka jingpynheh bad ha ka jingtei thymmai ia ki surok thymmai Shillong-Guwahati, Shillong-Nongstoin-Rongjeng-
