Shillong, Nailar 21: Ka Employment Regeneration Committee (ERC) Synjuk Seng Samla Shnong (SSSS) Central Body HQ Shillong ryngkat ka jingiatreilang bad ka Meghalaya State Skill Development Society ka la pynlong ia ka Orientation program halor ka Skill Development ha ka ha Don Bosco Technical Laitumkhrah Shillong. La don kumba haduh 230 ngut ki dkhot na ki Shnong bapher bapher jong ka Ri Khasi Jaintia, Ri Bhoi bad na Garo Hills ruh kumjuh kiba la ia poi sha kane ka Skill Development Program.
U Kongsan ha kane ka program u long u Dr Jemino Mawthoh, u ba shim ia ka bynta kaba khraw ha ka ban pynlong ia kane ka program kaba jop bad iaid shaphrang na ka bynta ki khynnah pule kiba la pass ia ka klass VIII shaneng. Kane ka proram la pynbeit khnang ba ki lah ban pyni ia ki lad ki lynti wat lada lada jia ba ym don shuh ka lad ban pule hynrei ban ioh pat ki lad ki lynti ban shah hikai.
Lada jia ba hap ban leit trei wat shabar ka jylla Meghalaya ruh, ia ka bai leit ban leit trei shabar yn pynlut da ki bor ba pyniaid ia kano kano ka jingshah hikai haduh ban da poi ha ka jaka ba ioh ban trei.
Nalor kane kan don ruh ka jingbudien ia ka rukom treikam jong ki shabar ka jylla la kumno kumno ha baroh shisnem linter naduh ba ki poi ha ka jak ba phi la trei. Ki don bun jait ki jait kam ba ki khun samla kiba la pass tang ka VIII shaneng ki lah ban leit bad ia shim bynta.
Ha kane ka jingai jinghikai bun ki riewshemphang, ki riewstad bad ki trai kam kiba la pule bniah ha ki jait kam ba pher bapher ki la ai ka jingpynshai halor ki jait kam bad training ba ki ai bad kumno pat ba ki lah ban ioh kam ynda la dep ia ka training. U K N Kumar, IAS, CEO, MSSDS, u la batai ba ka Meghalaya ka don bun ki lad ki lynti ba ngi lah ban pynmyntoi ialade ban ioh kam namar ba bun na ki skul ki hikai ia ka kitten phareng.
U Dr Jemino Mawthoh, MLA bad kongsan ha kane ka sngi, u la ban ba dei ban long kiba la pynkhreh ban pynkylla ia ka jingmut jingpyrkhat jongngi (attitudinal changing) khnang ba lada wan kano kano ka jingeh ba ngi ia kynduh ngin lah pat ban jop bad ban iaid shaphrang ha ki liang baroh. u la ong ba kane ka program ka long kaba sdang bad ngin dang bud dien shuh ban pynlong kum kine ki orientation program ha ki por ba dang wan khnang ba ki khun samla wad kam wad jam kin ioh ka lad ban shah hikai ha ki jait kam bapher bapher.(SP News)
