Shillong, Jylliew 18: U Chief Engineer ba dei ia ki kam pynroi light sha ki nongkyndong u la kubur ba ka dei ka jingbakla na ka ophis ban pynbna ba la dep ka jingpyntrei ia ka jingpynpoi light sha ka shnong Mawthabah.
Haka juh ka por na ka liang jong u Chief Engineer u la ong ba kim shym la leh khnang ia kane hynrei ka dei tang ka jingbakla ha ka jingbun kam jong ki nongtrei na ka ophis. Ha ka jingshisha kum kine kim ban jia.
Naka liang jong u Chief engineer u la ong ba ka jingtrei ka la sdang bad ia kane ka kam yn sa lah ban pyndep hapoh ka lai taiew ka jingtrei kala iaid sha khmat mynta.
Lah ban pynkynmaw ba ki trai shnong na katei ka thian ki la ong ba lada ka MeECL kam lah ban sdang noh ia ka jingtrei ka bha ia ki ba kin die kilo noh ia ki tiar light kiba la wan buh hapoh shnong. (SP News)
