Nongstoin, Jymmang 25: Ka Electrical Contractors Union, Nongstoin ryngkat bad ka jingiadon byntalang jong ka Inspectorate of Electricity Meghalaya Shillong kala pynlong iaka Electricity Conservation Awarenes, ha iew Seinduli.
Kane ka long ban ai ka jingpynshai, jingsam jingtip bad jing pynsngewthuh kham bniah iaki paidbah ha kaba iadei bad ka jingnang ban tyngkai bad kumno ban pyndonkam ia ka bording Electricity bad ban siew tista ia ki Electricity bill.
La pyniaid ia kane ka programme da i bah Shanbor Lyngdoh, uba dei u General Manager jong ka Electricity Distribution Franchisee West Khasi Hills ha kaba ula kyntu ba ym dei ban shu pynmeh kai ia ki light baroh shisngi khlem da donkam hynrei ki paidbah kin long kiba sngewthuh ban pyndonkam antad khnang ba ka bill light kan ym heh bad ba ka jylla kan duna ka jingthied bording nawei pat.
La ioh ruh ka jingpynshai na u bah M. L. Khongsngi uba dei u J.E. jong ka Nongstoin Revenue ba ki paidbah kin ialeh ban pyndonkam da ki bulb CFL ne tube light khnang ba ka bill kan ym heh bad lait na ki jingwan complain, bad ula ong ruh ba ka Office MeECL kan sa nang ialeh ban pynbiang iaka jingthut khah khah ka Electricity ha kane ka thain. Na ka liang u bah Boney J Kharbani uba dei u President jong ka Electrical Contractor Union Nongstoin ula ong ba tang 50 na ka 100 ki paidbah jong kane ka thain ki wan siew tista iaki bill light, kane kan wanrah ia ka jingdapram haka sorkar bad kumjuh ruh ia kito ki bymjuh siew bill kumba la pyntip man la ka por, bad la da long kumne na ka liang ka Franchisee kam banse ban weng noh ia ka light.
La pynshai ruh ba nangne shakhmat ki paitbah kin siew bill thik katkum ka jing pyndonkam jong ki da ki meter, ym shuh ban shu siew ha ka dor assessment namar kane ka ktah iaka jingduhnong ha baroh arliang, u la kyntu ruh ia ki shnong ki thaw ban iatreilang ban rat dingkhong ia kiba leh beain ha kaba pyndonkam ia ka electricity namar kane kan wanrah ka jingduh bad jingthut khah khah ha ki Transformer.
Ka Union ka ai ka jingkhublei ia baroh kiba la iadon bynta ha kane ka programme ki nongai ia ka jingshad Khasi tynrai na u bah Wostar Wanniang, K Langrin bad R Syiem(bah Pdok) bad khamtam ia ka Office jong u Senior Electricity Inspector, Shillong u ba la ai 1000 tylli ki pamphlets bad 200 tylli ki poster kiba iadei bad kane ka campaign ba la ioh ban sam sha ki paidbah ha kane ka sngi bad ruh ha kiwei de ki programme bala buh ha Nonglang, Nongstoin, Maweit, Rambrai, Mawlangsu bad ha Pariong.
Ha shwa ia kane ka Union ka la ioh ban rakhe ia ka jingdap shisnem ka jingai jingshakri da Franchisee jong Electrical Contractor Union ha kaba U Bah Hoping Stone Lyngdoh u la plie ruh a ka website jong Ka Union ha kaba ia donlang ki Rangbah Engineer jong Ka MeECl na Shillong. (SP News)
