Shillong, Naitung 16: Ki nongialam jong ka seng KSU nongmynsng mynta ka sngi ki la leit ban aiti iaka tin umphniang bam sha ka ophissar ba dei peit ia ki marbam mardih ha kane ka jylla halor ka jingshem jong ka seng ba kane ka umphniang bam kaba la dei ha ka dukan ka long kaba la sniew.
Ka KSU nongmynsong ka la lap 11 tylli ki tin umphniang na ka dukan kaba la tip kum ka Sharma Enterprise. Ha kane ka jingleit ban aiti ia kane ka Umphinag na ka liang jong ka Food Inspector jong ka tnad ka koit ka khiah ka la ong ba kan sa ai ia ka jubab sha ka KSU hapoh shitaiew la kane ka umphniang ka long shisha ne em kaba sniew namar ba hap ban phah test sha Guwahati.
Na ka liang jong u Organizing secretary jong ka Nongmynsong KSU Unit la ong ba ki lap ia kane ka Umphniang na u wei u bah u ba la thied na katei ka dukan bad haba ki dkhot jong ka seng ki la leit ban peit la lap ba ha kane ka dukan ki don 11 tylli ki tin umphniang.
Haba la kylli na ka liang jong trai kane ka dukan Sharma Enterprise u la ong ba u la thied 45 tin kum kane ka umphniang Stand Jeep hynrei u khlem shim Cash Memo u la die ia kane ka umphniang bad kaba sah mynta ka long sa tang 11 tin. Na ka liang jong ka KSU ka la pynpaw ia ka jingsngew diaw ba la die sha ki paidbah ia ki marbam ki bym long shuh. Kin ap ia kane ka kaiphot kumba la ong da ka Food Inspector shuwa ba ka seng kan leh ei ei ban khanglad ia kumkine ki jingdia ia ki mar ki bymlong sha u paidbah.(SP News)
