Shillong, Nailur 07: Ki pulit jong ka jylla Assam mynta ka sngi ki la ioh ban bat ia kawei ka trok kaba la wan na Dimpaur ha ka jaka kaba la tip kum ka Khetri bad na kane ka trok ki la ioh ban kurup shibun kit air siat kiba la mang ban phah sha ka seng lehnoh GNLA ha Garo Hills.
Ki tair kiba la ioh ban kurup ki long kawei ka AK-56, kawei ka 303 riffle, kawei ka shot gun, kawei ka .22 riffle bad ki kuli ki long 33 tylli kiba dei na ka bynta ka shot gun, 354 ki kuli kiba dei na ka bynta jong ka skuloi 7.62 SLR , 112 ki kuli kiba dei na ka bynta ka suloi AK 47.
Ha ka jingtohkit ia u nongniah ia kane ka trok u la iathuh ba ia kine ki tiar la wan kit na Dimapur bad ban leit pynpoi sha Mendipathar ha North Garo Hills ban ai sha ki lehnoh GNLA ha katei ka jaka la ong u nongniah.
Haba ia dei bad kane ka jingioh kurup ia kine ki tiar siat ki pulit ki la kem ia u Prabhu Mandal u ba dei na ka nongbah Guwahati, Salim Sangma bad Bulbul Phukan kine baroh ar ngut ki dei na Tura. Na ka liang jong ki pulit ki dang pynlong ia ka jingthohkit ban lap shuh shuh ia kane ka jingiakhaii tair siat sha ki Lehnoh ha kane ka jylla Meghalaya.(SP News)
