Shillong, Iaiong 06: KI shipai BSF kiba don ha Gasuapara South Garo Hills district mynta ka sngi ki la ioh ban kem ia ki khar Bangladesh kiba la wan ban rung tuh hapoh India bad na kine kiba la shah kem la ioh ban kurup shibun ka pisa thok da ka jingthmu jong ki ban die hapoh India.
Kiba la shah kem ki long u Panpush Pattang 21,U Jusia Maraking 22, bad James Chirang, 18, baroh kine ki dei na ka District Mymensingh, Bangladesh. Kine kiba la ioh kem baroh ki dei ki nongkhaii kyiad tuh.
Ha kawei pat ka jingioh kem jong ki shipai BSF ia u nongkhaii pisa thok u dei u Ibrahim 65, na ka Naodung, jong ka District Udalguri, Assam ia u la kem katba u dang wan rung na Bangladesh sha India.
Na ka liang jong ki BSF ki ong ba kane ka pisa thok baroh kawan na Bangladesh ban pyniaid iew hapoh India lyngba jong kine ki nongkhaii tuh. Na ka liang jong ki BSF ki pynkhlain bha ia ka tnad syntiat jong namar kane ka jingrung ka pisa thok sha India ka long kaba ma ia ka khaii ka pateng.(SP News)
