Shillong, Jymmang 17: U Bah Jonathan Shylla, MCS, EM, jong ka Sohra Civil Sub Division u la leit ban ai ia ka jingujor sha ki pulit jong ka Sohra Police Station ba ha ka por 5.45 ei ei jong ka sngi Thohdieng kila lap ba kawei ka trok ka ba don ia u number ML-05E-9760 ba ka kit dewiong.
Na ka liang jong ki bor sorkar kila ioh ban kem ia kane ka trok katba ki dang pynlong ia ka jingtalasi ia ki kali kiba iaid lyngba ka Sohra. Ka jingkem ia kane ka trok ka long ba u nongniah ia kane ka kali u la pynkhein ia ka kyndon jong ka NGT kaba khang ia ka jingthih dewiong thliew khnai.
Na ka liang jong ki bor sorkar kala kem ia kane ka trok bad ia u nongniah ia kane ka kali u Bah Andreas Thabah. Ka sorkar ka la pynmih ia ka hukum ba dei ban pynrei kam ia kane ka rai jong ka NGT ha kane ka jylla.(SP News)
