Williamnagar Naitung12: Ka Basin Development Unit jong ka East Garo Hills District hapoh jong ka Meghalaya Basin Development Authority ka la pynlong ia ka jingiakop pyni sohphan kaba ar sngi lynter ha ka Williamnagar kaba la sdang ha ka 11 tarik bad ka la kut mynta ka sngi ha pdeng ka jingishongkun.
Ha kineki ar sngi na ka liangjong ka Home Science College, ka Bethany Society kiba dei na Tura ki la pyni kumno ban pynmih ia ki jingbam ba ha rukom na u Sohphan kiwei kiba la wan ban ia shim bynta ki ki long kum ka Mendhipathar Mutli purpose Cooperative Society, Sangma Bakery na Willimanagar, Marak Bakery na Williamanagar, Romgpi Food Paradise na Williamnagar, DCIC jong East Garo Hills, MRDS jong ka East Garo Hills bad 12 Self Help Groups kiba la pyni nam ia ki jingshed kiba lah ban leh na u Sohphan.
Ki jingshed kiba lah ban pynmih na u sohphan ha kane ka jingpyninam ki la long haduh shiphew rukombad kito ki long kum u Jackfruit Cakes, Jackfruit Muffins, Jackfruit Chips, Jackfruit Biscuits, Jackfruit Bread, Jackfruit Chocolates, Jackfruit Pickles, Jackfruit wine, Jackfruit Juice bad Jackfruit Jam.
Ha kine ki ar sngi da ki hajar ki briew kila ia poi ha kane ka jingiapyni nam bad palat 90 tylli ki sohphan kiba heh la wan rah na kylleng jong ka Garo Hills. Ha kane ka jingiakop u Collin Marak na Upper Rongjeng, u la jop ha kane ka jingiakop ha kaba u sohphan jong u u khia haduh 29.00 kgs. U ba wan baa r dei u Starlin Marak bad ka jingkhia u sohphan jong u ka long 26.7 kgs.
Ha ka jingiakop bam sohphan pat ki nongiashim bynta baroh ki long 61ngut ki kynthei bad 164 ngut ki shynrang. Ha kane ka jingiakop ka Martina Marak kala long ka nongjop na pdeng ki kynthei ha kaba la bam haduh 54 symboh ha ka arm init bad kaba wan baa r ka dei ka Elitha N Sangma kaba la ban 47 symboh. Katba na ka liang jong ki shynrang pat u bala jophakane ka jingiakop u dei u Gamseng Marak uba la bam 49 symboh bad u ba wan baa r pat u dei u Dildin Marak uba la bam 41 symboh.
Ha kane ka jingiakop pynisohphan kiba la poi naka liang jong ki heh sorkar ki long ka Deborah C Marak, Hon’ble Minister i/c Social Welfare Department, Shri. Sengnam Marak, Parliamentary Secretary, Fisheries Department, Shri. Cherak W Momin, Parliamentary Secretary, PWD (R) Dept and Shri. Vijay Kumar Mantri, DC, East Garo Hills lem bad kiwei ki heh sorkar. Kane ka jingiakop ka la kut hapdeng ka jingiphuhiphing.(SP News)
