Shillong,kyllalyngkot,10: Ka tamasa leh kmen jong ki khynnah skul kaba la long san sngi lynter kaba khynthup ia phra tylli ki jylla hapoh North East ka la kut noh myn hynnin ka sngi.
Ia kane ka Tamasa la pynlong da ka Ministry of Sport & Youth Affair,Goverment of India ha ryngkat ka jingiatrei lang ka Directorate Higher & Technical Education (NSS Cell) ia kaba la pynhap pyrda da u RC Laloo, Dy Chief Minister jong ka jylla Meghalaya
U Dr. RC Laloo u la ong “nga sngewtynnad bad don ryngkat lang bad phi naduh ka sngi plie ia kane ka tamasa lehkmen haduh ka sngi pynhap pyrda bad ai khublei ruh ia phi baroh ba phin ia leit suk baroh hala ki jaka bad ka jylla kaba phi don”
U la ai ruh kum ka jingsneng jingkyntu iaki khynnah skul ba ki dei ban ia minot ha ki jingpule hooid ka don ka por ban hap pynlut por hynrei dei ban nang ban siewspah iaka por kumno ban khreh kot bad dei ban pyndep iaki jingpule.
Ha kane ka jingialang la ioh ruh ia ka jingkren na u Winnerson Sangma MLA u ba long u Parliamentary Secretary jong ka jylla,la ioh ia ka report item na u Dr H.Iangrai SLO,NSS ki wei pat kiba iadon lang ki long u P K Srivastava IAS Principal Secretary jong ka sorkar jylla bad ki wei.(SP News)
