Shillong, Lber 08: U myntri rangbah ka Jylla, U Dr Mukul Sangma u la dep ia kren iakren bad ka seng HSPDP ban iasoh ha ka sorkar ban ialam da ka Congress.
“Ngi kwah ba ka HSPDP kan don lang ha ka sorkar” la ong u Dr Mukul , Haba iakren bad u president ka HSPDP u Bah Hoping Stone Lyngdoh u la kubur u la iakren bad u Chief Minister hadien ba la dep ka jingpynbam smai.
U Bah Hoping u la ong ba U Dr Mukul yn sa ia kynduh biang ia u namar ba u hap ban leit sha Delhi.Haba kylli la un iasoh ne em bad ka sorkar Congress, u Bah Hoping u la ong ba kam don jingeh ia ka HSPDP ban don ha ka sorkar lada u Chief Minister u lah ban ai ia ka jingpynthikna ban pynbeit noh ia u pud u sam bad ka Assam.
“Nga long uba la khreh bad kano kano ka party kaba sngewkhia ban pynbeit noh ia u pud u sam ba la iakynduh da ki shnong khappud jong ka Meghalaya bad ka Assam” la ong u president ka HSPDP.(SP News)
