Tura Naitung 15: Ka seng lehnoh Achik National Volunteer Council-Breakaway (ANVC-B) ha ka jingpynlait khubor mynta ka sngi ha ki katto katne ki lad pathai khubor ka la pynpaw ba ka kwah eh ia u nongialam jong ka seng Garo National Liberation Council (GNLA) u Sohan D Shira ba un long uwei na ki nongiasoi ia ka soskular ia suk la ong u DD Shira.
Ka ANVC(B) ka da thrang ban wanrah ia u tei u Commander In Chief jong ka GNLA sha ka jingiakren ia suk da ka jingiatrei lang bad ki paidbah ka ri lum Garo na ka bynta ban wanrah ia ka shong suk shong sain ha Garo Hills.
Ka ANVC(B) ka sngewthuh ba da ka jingwan lang ka jong Sohan kan iarap shibun ban wanrah ia ka jingsuk. Kan jinda la bha ba un long ruh u wei na ki nongiasoilang ia ka jingiasuk bad ka sorkar na ka bynta ka jingsuk ka ban neh ha Garo Hills.
Na ka liang jong kane ka seng ka long kaba la kloi ban pdiang ia u bad ban ia klet noh ia kaei kaba la jia ha ki por kiba la leit noh. Ka jingshim khia jong ki bor ba pyniaid ia ki District, ki nongalam niam, ki longsan mansan bad ki seng treiman sngewbha ban wanrah ia ka jingsuk ha khappud Meghalaya bad Assam ha kine ki sngi kiba la dep ka la ktah ia ki bad ka la pynlong ba kin pyrkhat ba don kam ban ioh ia ka jingsuk kaba neh.
Na ka liang jong u nongai khubor jong ka seng ANVC(B) u ong ba ka seng ka kwah eh ia u ba un ia don lang ha kane ka jingiakren ia suk bad ki long kiba la kloi ban pdiang ia u tei u nongialam jong ka seng GNLA na ka bynta ka jingshong suk ha Garo Hills u la ban biang.(SP News)
