Shillong, Risaw 02: Ka seng Indigenous Biodiversity & Social Welfare Organisation (IBSWO), mynta ka sngi ka la phah da ka jingthoh sha u Shantaram Naik, M.P.,Chairman,Parliamentary Standing Committee jong ka Personnel, Public Grievances, Law and Justice, New Delhi ban kyntu ia u ba ha ka jingthmu ban pynkylla ia ka RTI Act ia ki seng sain pyrthei dei ban pynhap lang.
Kino kino ki seng sain pyrthei kiba la register kum ki seng sain pyrthei la ki long ki National Party ne ki regional lane ki state party ki dei ban ngat hapoh katei ka ain bad ia ki seng sain pyrthei dei ban pyngat ha kine ki bynta, kawei ka seng kum ka kynhun, ka jingioh jong ka seng sain pyrthei bad ka jinglut ha kaba pyniaid ia ka party.
Kane kan long lada ki seng sain pyrthei ki don hapoh jong kane ka ain ka long ba ki paidbah kin tip ia ka jingioh pisa ka jong ki bad kane kan wanrah ban ioh ia ka sain pyrthei kaba khuid ba suba.
Ka IBSWO ka kyntu ban a ka bynta ka jingbha jong u paidbah ka standing committee kan sngewbha ban pdiang ia kane ka jingtyrwa jong ka seng ban pynhap ia ki seng sain pyrthei hapoh jong ka RTI Act.(SP News)
