Shillong, Naitung 04: Ka Khasi Student’s Union mynta ka sngi kala leit ban ia kynduh ia u chairman jong ka Meghalaya Private University Regulatory Board ban ia kren ha lor ki kyndon ba kane ka board ka leit ban jurip ia ki private university ha kane ka jylla.
Haba kren ha ki nongthoh khubor ha dien ka jingiakynduh ia u Chairman u bah L Roy na ka liang jong u Bah Daniel Khyriem president jong ka seng u la ong ba ka Board mynta ka dang lumthup ia ki jingtip baroh bad shen kan sa pyndep ia ka.
Na ka liang jong ka seng ka dawa ba ynda ka board ka la dep ban pynkhreh ia ka kaiphot ka dei ban thad paidbah na ka bynta ka jingmyntoi jong ki paidbah ban tip ia ki jingshisha baroh.
Ban pynioh ia ka jingpule ka biang dor kane ka committee kaba kynthupia ki san ngut ki dkhot kiba la buh ban peit ia ka jingtrei kam jong ki private university.
Na ka liang jong ki nongialam jong ka seng KSU ki la sngewhun ia kaei kaba ka sorkar ka la leh ban pynbha ia ka pule puthi ha ka jylla na ka liang jong ka seng ka sngew ba dei ban khot ia ka National Assessment and Accreditation Council (NAAC) ban jurip ia kine ki university jong ki riew shimet ha ka jylla bad dei ban buh jingthoh ha ka University Grant Commission (UGC) ban kyntiew ia ka pule puthi ha ka jylla.(SP News)
