Shillong, Kyllalyngkot 08: Ka Meghalaya People’s United Front jong ka Central Body (MPUF CGB) ka kwah ban pynpaw ia ki nongshong shnong jong ka wahiajer ba na ka liang jong ka seng ka don jingmut ba kan wanrah ia ka tnat jong ka North Eastern University (NEHU) shapoh Jaiñtia Hills District.
Bad ha kaba ia dei bad kane ka seng ka la pyrkhat sani bha ha ka Central Excutive Committee kaba la pynlong ha ka 10 tarik jymmang 2013 ka Seng ka la dep ia mir jingmut bha kumno yn leh khnang ba kin lah ban wanrah ia ka NEHU Extention shapoh ka Jaiñtia Hills District kumta na ka liang ka seng ka buh ka jingkyrpad ia ka shnong Wahiajer ba kan ai ei ia ka jaka shnong kumba 50 akar ha ka ban pynurlong ia ka jingthmu jong ka seng bad kane kan wanrah shibun ki jingmyntoi ia ka shnong bad ia ka Jaiñtia Hills District bad ruh ia ka jylla baroh kawei.
Ia ka jingthmu ban buh noh ia ka NEHU ha Jaiñtia Hills la phah ia ka jingthoh sha u Vincent Pala uba long u M P jong ka Meghalaya.(SP News)
