Shillong, Nailur 26: Ka seng Meghalaya Deaf Association (MDA) ka thrang ban ia shim bynta ha ki kam pynroi katkum ka bor kaba ki lah ban trei bad ki kyrpad ba ka sorkar ka dei ban iarap lem ia ki ha ka liang jong ka Scholarship
Haba kren ha ki nongthoh khubor ka president jong ka MDA ka Ferdinand Lyngdoh ka la iathuh ba ha kane ka jylla Meghalaya ki don haduh 8000 ngut ki briew kiba don ia kane ka jingduna ha ka dkhot met ka jong ki.
Ka jingeh kaba ki ia kynduh ha long ba kim shym la ioh ia ka lad ban shah hikai ia lade ha ki kam kaba ki lah ban trei, ki kwah ba ka sorkar kan shna ia ka hostel kaba kyrpang na ka bynta jong ki.
Kane ka seng ka dei kaba la seng ha u snem 2010 bad ka thong ka jong ki ka long ban iarap markylliang para ma ki ba kin lah ban im ka jingim kaba biang kumba long lem kiwei.(SP News)
