Shillong, Jymmang 01: U Additional Secretary u ba bat ruh ia ka kam
kum u Director General , Labour welfare , jong ka sorkar pdeng U Anil Swarup ha ka jingkren ka jong u ha ka state level workshop kaba la long mynta ka sngi ha Polo Towers kumno ban pyntrei kam ia ka Rashtriya Swasthya Bima Yojana (RSBY) ha kane ka jylla u la ong ba ka sorkar pdeng ka dang wad ki lad ki lynti kumno ban lah ban pyndon kam ia kane ka RSBY Cards ha kiba bun ki bynta.
Kane ka skhim BSBY ha kane ka Ri India ka la sdang ha u snem 2008 bad mynta baroh ki long iing kiba la ioh ia kane ka jingmyntoi ha kane ka Ri India ka la kot sha ka 34 million tylli ki long iing. Kumba ka long mynta na ki jylla kiba la pyntrei kam bha ia kane ka skhim ka dei ka jylla Chhattisgarh bad ka sorkar Meghalaya ka dang sdang ban pyntrei kam ia ka ha ka rukm kaba dei.
Une u heh sorkar pdeng u la ong ba ha kaba sdang ban pyntrei kam ia kane ka skhim bun bah ki briew kim sngewthuh bad ki la mih bun ki jingkynthoh, hynrei haba ki don ki jingkynthoh ym dei ban shim da kumwei hynrei dei ban peit ba ioh ka don ka jingbakla ha kaba lah ban pynbeit namar kiba don ha ka shuki ban shong haki ophis kim lah ban tip ia ka jingeh kaba don ha ki paidbah.
Kaba kongsan eh ka long ba ka jingshakri kaba bha kaba ki dei ban ai sha k paidbah, ka jingthmu ba pynlong ia kane ka state level worshop ka long ban ai jinghikai bad kiba ioh ia kane ka jinghikai kin hikai kylla ia kiwei bad lada ki bakla ka mut la bakla.
Ha kane ka jinghikai kaba la long mynta ka sngi ki heh sorkar jylla na baroh kawei ka jylla Meghalaya ki la poi ha kane ka sngi , na ki kot ki sla kiba la sam ha kane ka sngi ka long ba ia kane ka RSBY skhim ki ba dei ban ioh ki dei ban siew tang 30 tyngka. Ha kane ka sngi la ia kren ia shibun ki kam kiba ia dei ha kaba pyntrei kam ia kane ka skhim RBSY ha kane ka jylla Meghalaya.(SP News)
