Shillong, Naitung 18: Ki rangbah shnong jong ka shnong Umsning, ki nongialam baling bad ki trai khyndew mynta ka sngi ki la lei tai da ka jingthoh sha u Bah Sngewbhalang Dhar myntri ka tnad PWD ban kyrpad iaka sorkar ba ka dei ban shna na juh ia ka surok 4-lane.
Ka jingkwah jong ki riew rangbah na katei thain ka long ba ki kwah ban iohi ba ka sorkar kan lah ban pyndep ia kane ka surok 4-lane na lad Umroi sha Jarabad ha ka por kaba la buh da ka sorkar ba kane ka surok bah NH-40 ka dei ban dep ha u bnai Lber jong u snem 2014.
Lah ban kdew hangne ba ha ki snem kiba la dep ba ka la mih ka jingeh na ka bynta ka tnad shna surok jong ka sorkar jylla namar ka la don ka jingkwah ban pynkylla ia ka lynti iaid jong kane ka surok ha katei ka shnong Umsning.(SP News)
