Shillong, Jylliew 17: KI seng bhalang bapher bapher kiba kynthup iaka CSWO, KSU, HNYF, FKJGP bad ki 20 tylli ki shnong kiba don ha ki thain Diengphatsh ki la kyntu ia ki bor jong ka KHADC ba kin ia kren ia ka kam New Shillong Township ha kane ka dorbar kaban long la shai ka sngi.
Ka jingkwah jong kitei ki seng bhalang ka long ba ka KHADC kan kyntu lem iaka sorkar ba ka dei ban sangeh noh kane ka jingthmu ban shim jaka na ka bynta New Shillong Township, kane ka jingshim jaka kaba la palat dei ban sangeh shi syndon.
Na ka liang jong ki seng bhlang ki kynnoh ba ka jingthmu jong ka sorkar ban shim jaka ka long na ka bynta ban aiti sha ki company namar ba kim lah ban thied jaka, kane ka kdew shai kdar ba kan ktah ia ka Meghalaya Land Transfer Regulation Act 1971,”
Na ka liang jong kitei ki seng bhalang ha ka kyrwoh kaba ki la phah mynta ka sngi ki la ong ba ka District Council kaba la buh hapoh ka Sixth Schedule ka dei ban shim khia ia kane ka kam ban iada ia ki riew paidbah na ka jingshah klun kijaka jong ki.(SP News)
