Shillong, July 22: Ka ophis jong u Lat ka jylla mynta ka sngi ka la pynmih ia ka jingpynbna bana ka liang jong u Lat ka jylla Meghalaya u Dr . K. K. Paul, u la ai ia ka jingmynjur ka jong u ban weng noh ia ka jingpyndon kam ia ka ktien “his Excellency” ha ki jingialang kiba dei hapoh ka jylla.
Kane ka rukom ai burom ia u Lat kan dang iai bteng tang haba ka don ka jingiakynduh bad ki briew kiba wan na sha bar jong ka Ri. La ong ba nang ne sha khmat ha ki jingialang kiba dei jong ka jylla, ka jingkren pyndonburom kan long noh “Hon’ble Governor”.(SP News)
