Shillong, Nailar 19: Ka seng Hynniewtrep Achick national Movement (HANM) ka la lap ba ka sub-centre kaba la shna da ka sorkar hapoh ka shong Umpdem kaba hap hapoh jong ka Mairang Civil Sub Division ka la kylla jaka rieh jong ki mrad mynta la 20 snem.
Ym tang kata ka jingleh bein ka sorkar ia ki paidbah kane ka thain ka long kaba la palat ha kaba kim don ia ki surok kiba biang. Kane ka thain Umpdeng ka kynthup ia ka Sohmylleng, Sohjarang, Nongkseh, Nongkhlabad ka shnong Law Huleng kaba jngai kumba 49 K.M naka shnong Mairang.
Na ka liang jong ki nongialam jong ka HANM kiba la poi sha katei ka jaka ban pyniar ka shnat trei kam jong ka seng ki la ong ba ka jingsang sot jong ki paidbah kiba shong ha kine ki shnong ka long kaba la palat. Na ka liang jong ka seng ka dawa na ka sorkar ba ka dei ban shna noh mardor ia ki surok bad lada ka sorkar kam leh ei ka seng kam ban se ban shim ia ki lad jingiakhih.
Ban pynkhlain ia seng ha ka jingtrei kam jong ka kala seng ia ka shnat trei kam jong ka ha ka shnong Umpdeng Unit kaba kynthup ia kitei ki shnong baroh. Ha kane ka sngi la jied ia ki nongkti kam jong ka seng ha kaba u bah ki long u President P. Kharkongor, Vice President Stephan Wahlang,General. Secy Shngainlut L Nonglait, Asst. Genl Secy Lobersun Nongsiej lem bad kiwei ki nongkti kam.
Ha kane ka sngi na ki liang jong ki nongkit kam shnong u Hoping K. Kongor sorkar jong ka shnong bad kiwei kiwei ki riew rangbah ki la ia don lang. na ka liang jong ka Seng HANM North West Khasi Hills bala ialam da u President Bah Bobby Basaiawmoit, U General. Secretary Bah Humble ki la poi lang lem bad kiwei ki para dkhot.(SP News)
