Shillong, Jylliew 16: Ka shnong Nongjri kaba don ha rum jong ka shnong Pynursla East K
hasi Hills District ka dei kawei na ki shnong ha kane ka Ri khasi kaba don ia la ka jong ka jaka kyntang ha kip or hyndai hynrei mynta ia kane ka jaka ym shym la don ba sumar bad kumta ka la kylla long pynban ka jaka theh niut.
Wat la kane ka shnong ka don sha kyndong ha jan jong ka Bangladesh wat la ka long kaba ym da ia tip bha ki briew hynrei ka don la ka jong ka jngpynsah nam ha kane ka jaka kaba kren ia ka riti ka dustur jong katei ka thain ha kaba haduh mynta ki briew kiba don ha ka bor ki dang leh klet ia ka jngkordor jong kane ka jaka kyntang.
Kane ka jaka ka dei ka jaka thep maw bah lane ka jaka thep mawshieng, ia kaba la shna kyrpang daki riew hyndai da ki maw kiba pynllun bad kiba heh ha kaba ia ki ba iap la buh ha kane ka jaka kyntang. Kumba ka long mynta kane ka thep mawbah mynta ha kane ka ri khasi ka la jan duhjaid bad ia ki jaka ba don mynshuwa ruh shym la sumar ha ka rukom kaba dei..
Ia kane ki maw pyllum ba la tam na jrong ban pynlong ia ka synduk hapoh la shna da ki tynmen hyndai na ki jaka ba jngai bad la wanrah ha katei ka jaka ban buh kyrpang ban long ki jingiada ia kiba kiba ieit ba thoin kiba la khlad noh kiba don ha katei ka kala.
Ia kane ka jaka kyntang da pyndon kam ha ka niam ka rukom da kito ki trai shnong kiba dong bat ia ka niam tynrai la jong, hynrei kaba sngewsih ka long ba na ka liang jong ka shnong lane na ka liang jong ka sorkar kam shym la sunmar ia kane ka jaka bad mynta ka la kylla pynban kum ka jaka theh niut
Na ka liang jong ki katto katne ki riew rangbah kila ong ba ka sorkar ka dei ban sumar ia kane ka jaka yn tang ba kan long ka jaka kyntang hynrei kan kylla long kawei na ki jaka ban khring ia ki nongwan jngohkai pyrthei ba ha kane ka jaka ka don ka kolshor jong ki trai shnong ka shnong Nongjri.(SP News)
